خەيىر-خوش SIM كارتا



SIM كارتا يوقۇلۇشقا ئاز قالدى.

يېقىندا، GSMA رەسمىي ھالدا كەسپىي ساھەدىكىلەر ئۇزۇندىن بۇيان كۆڭۈل بۆلۈۋاتقان قىستۇرۇلما SIM كارتا (eSIM)نىڭ يىراق مۇساپىلىق سەپلىمە ئۆلچىمىنى ئېلان قىلدى. نۆۋەتتە، بۇ ئۆلچەمنى ئەقلىيفونلارغا ئىشلىتىشكە ماس كەلمەيدۇ، ھازىر ئاساسلىقى ئەقلىي ئىقتىدارلىق سائەت، چېنىقىش بويىچە ئىز قوغلىغۇچ ۋە تاختا كومپيۇتېرلارغا ئىشلىتىشكە بولىدۇ. ئەمما GSMA ئۇيۇشمىسى ئەقلىيفون ۋە باشقا كۆچمە ئۈسكۈنىلەرگە ئىشلىتىشكە ماس كېلىدىغان eSIM ئۆلچىمىنى 2016-يىلى 6-ئايدا ئېلان قىلىدىغانلىقىنى بىلدۈردى. بۇ بىر مۇھىم ئابىدە خاراكتېرلىك ئىش بولۇپ، ئۇ ئىشلەتكۈچىلەرگە تېخىمۇ زور قولايلىق ئېلىپ كېلىش بىلەن بىرگە، خەۋەرلىشىش كارخانىلىرىنى «ئۆلگەننىڭ ئۈستىگە تەپكەن»دەك ئەھۋالغا دۇچار قىلىدۇ. «SIM» دېگەن سۆزنىڭ تولۇق ئاتىلىشى «subscriber identity module» بولۇپ، «ئىشلەتكۈچىلەرنىڭ سالاھىيەت مودۇلى» دېگەن مەنىنى بىلدۈرىدۇ. ئۇ ئاساسلىقى ئىشلەتكۈچىلەر توردا ئالاقە قىلغان ۋاقىتتا سالاھىيىتىنى پەرقلەندۈرۈش ۋە سانلىق مەلۇماتنى ساقلاش رولىنى ئوينايدۇ. يېقىنقى يىللاردىن بۇيان، SIM كارتا تېخىمۇ كىچىك بولغان يانفون بوشلۇقىنىڭ تەلىپىنى قاندۇرۇش ئۈچۈن، ID1 (بانكا كارتىسى چوڭلۇقىدىكى)، تولۇق شىكالىلىق SIM كارتا ، Nano-SIM، Micro-SIM، Mini-SIM قاتارلىق ئۆزگىرىشلەرنى باشتىن كەچۈردى، ئۇنىڭ ئۈستىگە ئۆزگىرىش دەۋرى ناھايىتى قىسقا بولدى.

ھازىر بولسا eSIM دا بۇ ئىقتىدارلار يۇمشاق دېتال شەكلىدە قاتتىق دېتالغا قىستۇرۇۋېتىلىپ، ئىپتىدائىي SIM كارتا تەلتۆكۈس يوقۇتۇلىدۇ. Smart In sights تەكشۈرۈش شىركىتى مۇنداق دەپ قارىدى: 2020-يىلىدىن بۇرۇن،eSIM يۈكلەنگەن 3.46-8.64 مىليارد دانە ئۈسكۈنە بازارغا چىقىدۇ؛ كەلگۈسى 10 يىل ئىچىدە، ئەنئەنىۋى ماددى SIM كارتىنىڭ %16 تى ئازلايدۇ. بۇ eSIM نىڭ كەلگۈسىدىكى مۇقەررەر يۈزلىنىش ئىكەنلىكىنى چۈشەندۈرىدۇ.

بىرىنچى، ئۇ ئىشلەتكۈچىلەرگە ئېلىپ كېلىدىغان ئۆزگىرىش:

1. تېخىمۇ قولايلىق: (1) يانفون تېخىمۇ نېپىزلەيدۇ، ئەقلىي ئۈسكۈنىلەر تېخىمۇ نېپىز ۋە يېنىكلىشىدۇ، ئۇنىڭ ئۈستىگە ئۈسكۈنە ئىچىگە SIM كارتا ئورنىتىشنىڭ ھاجىتى قالمايدۇ. (2) ئىستېمالچىلار SIM كارتا چەكلىمىسىدىن قۇتۇلىدۇ، ئىشلەتكۈچىلەر تور سىگنالىنىڭ ياخشى-ناچارلىقى، ھەق ئېلىش ئۆلچىمىنىڭ يۇقىرى-تۆۋەنلىكى قاتارلىق ئامىللارغا ئاساسەن خالىغان ۋاقىتتا ئوخشىمىغان خەۋەرلىشىش شىركەتلىرىنىڭ مۇلازىمىتىنى تاللىسا بولىدۇ. (3) كۆپ تېلېفون كارتىسى ئىشلىتىدىغانلارغا نىسبەتەن، كۆپ تېلېفون نومۇرىنى باشقۇرۇش ئاددىيلىشىدۇ. (4) SIM كارتا قىستۇرۇلىدىغان ئورۇنغا ئاسانلا چاڭ-توزان كىرىۋالىدۇ، كۈچلۈك سىلكىنىشلەر كارتىنىڭ ياخشى تېگىشمەسلىكىنى كەلتۈرۈپ چىقىرىدۇ، كارتىنى تورغا ئۇلايدىغان قىلىش بەكلا تەس، ئەمما eSIM دا بۇ ئاۋارىچىلىقلاردىن پۈتۈنلەي خالاس قىلىنغان. (5) بىرقانچە خەۋەرلىشىش تورىنى بىرلا ۋاقىتتا قولاي ھالدا ئۇلاشقا بولىدۇ.

2. تەننەرخنى تېجەيدۇ (1) ئەنئەنىۋى SIM كارتا ئۈسكۈنىنىڭ بوشلۇقى ۋە لايىھەسىنى چەكلەپ قويغان، شۇنداقلا ئۈسكۈنىنى ياساش ھۈنەر-سەنئىتىنىڭ قىيىنلىق دەرىجىسى ۋە ياساش تەننەرخىنى ئاشۇرىۋەتكەن، eSIM دە بۇ مەسىلىلەر تامامەن ھەل قىلىندى. (2) ئىستېمالچىلار ئوخشىمىغان خەۋەرلىشىش كارخانىلىرىنى ئەركىن ئالماشتۇرالايدىغان بولغاچقا، ئەنئەنىۋى يۈرۈشلۈك مۇلازىمەتنىڭ باھاسىنى ھېسابلاش ئۇسۇلى ئۈنۈمىنى يوقىتىدۇ. خەۋەرلەردە دېيىلىشچە، نۆۋەتتە بەزى شىركەتلەر يانفون ئەپلىرىنى ياساشقا باشلىغان بولۇپ، تور سۈرئىتى ۋە ھەق ئۆلچىمىگە ئاساسەن، ئىشلەتكۈچىلەرنىڭ ئوخشىمىغان خەۋەرلىشىش كارخانىلىرىنىڭ تورىنى تاللىشىغا ئاپتوماتىك ياردەم بېرەلەيدىكەن. (3) ئىشلەتكۈچىلەر دۆلەت ئاتلاپ ساياھەتكە چىققان ۋاقىتتا، قىممەت بولغان خەلقئارالىق كەزمە مۇلازىمەت شەكلى بويىچە ئالاقە قىلماستىن، بەلكى ئاددىي ھالدا بىر كۇنۇپكا ئارقىلىق يەرلىك خەۋەرلىشىش شىركەتلىرىنىڭ مۇلازىمىتىنى قوزغىتالايدۇ.

3. بىخەتەرلىكلىكى ياخشى: (1) كارخانىلار eSIM ئىچىدىكى ئۇچۇرنى ئىشلىتىش ئارقىلىق شەخسىي تور ئىگىسىنىڭ سالاھىيىتىنى دەللىيەلەيدۇ. (2) يانفون سانلىق مەلۇماتلىرىنى يىراقتىن باشقۇرۇش، قايتۇرۇپ كېلىش ۋە ئۆچۈرۈش قاتارلىق مەشغۇلاتلار تېخىمۇ ئاسانلىشىدۇ.

ئىككىنچى، ئەمما بۇ ئىش خەۋەرلىشىش كارخانىلىرىنىڭ بېشىنى قاتۇرىدۇ ئۇزۇندىن بۇيان، eSIM كارتا بىر قىسىم خەۋەرلىشىش كارخانىلىرىنىڭ قارشىلىقىغا ئۇچراپ كەلگەن، چۈنكى ئەنئەنىۋى SIM كارتىنىڭ يوقۇلۇشى بىلەن خەۋەرلىشىش كارخانلىرىنىڭ ئۇزۇن يىل جاپادا بەرپا قىلغان مۇھاسىرە چەمبىرىكى بۇزۇۋېتىلىدۇ. ئەمما، eSIM مۇقەررەر يۈزلىنىش، ئۇ كەلگۈسىدە ئۈسكۈنىلەرنى تورغا ئۇلاش ۋە ئېلىپ يۈرۈش تىپىدىكى ئۈسكۈنىلەرگە مۇقەررەر ھالدا ئىشلىتىلىدۇ. ھالقىلىق مەسىلە شۇكى ئۈسكۈنە ئىشلەپچىقارغۇچى كارخانىلار ئىزچىل تۈردە eSIM نى قوللىماقتا. بولۇپمۇ ئالما شىركىتى ئۇزۇن يىلدىن بۇيان SIM كارتىنى ئۇجۇقتۇرۇۋېتىش نىيىتىدە بولۇپ كەلگەن، ئۇ 2014-يىلى iPadAir2 نى ئوتتۇرىغا چىقارغان ۋاقىتتا ئىچىگە AppleSIM ئورۇنلاشتۇرۇپ، بىر قىسىم خەۋەرلىشىش كارخانىلىرىنى خاپا قىلىپ قويدى، مەسىلەن: ئامېرىكا Verizon شىركىتى AppleSIM غا ھەمكارلاشقۇچى خەۋەرلىشىش شىركەتلىرىنىڭ تىزىملىكىدىن غايىب بولدى. نۇرغۇن كىشىلەر ھەتتا بۇ يىل 9-ئايدا ئالما شىركىتى iPhone7 گە رەسمىي ھالدا eSIM ئىقتىدارىنى قوشىدۇ، دەپ قارىماقتا. ئۇنىڭدىن باشقا، سامسۇڭمۇ eSIM نى ئاكتىپ قوللاۋاتقان بولۇپ، سامسۇڭ GearS2 نۆۋەتتە eSIM نى قوللايدىغان تۇنجى ئەقلىي ئىقتىدارلىق سائەت ھېسابلىنىدۇ. يىراقنى كۆزلەش نۇقتىسىدىن قارىغاندا، eSIM ئەقلىيفونلارنىڭ ئۆلچەملىك سەپلىمىسىگە ئايلانغان ۋاقىتتا، خەۋەرلىشىش كارخانىلىرى كەمىدە تۆۋەندىكى بىرقانچە جەھەتتىن زەربىگە ئۇچرايدۇ:

1. ئەسلىدىكى SIM كارتىنى سېتىۋېلىش-تەمىنلەش ئەندىزىسىدە، خەۋەرلىشىش كارخانىلىرى يېتەكچى ئورۇندا تۇرۇشتىن ئۈسكۈنە كارخانىلىرى يېتەكچى ئورۇندا تۇرۇشقا ئالمىشىدۇ، eSIM مەھسۇلاتلىرىنى سىناش، دەلىللەش قاتارلىق ھالقىلارنى بەلكىم مۇستەقىل بولغان كەسپىي ئۈچىنچى تەرەپ ئورگانلىرى ئۈستىگە ئېلىشى مۇمكىن.
2. ئۈسكۈنە كارخانىلىرى تەدرىجىي ھالدا eSIM ئىشلىتىلگەن كۆپ خىل ئەپلەر (ئاساسلىقى بىخەتەرلىك ۋە سالاھىيەت دەلىللەش)نى ئىلكىگە ئالىدۇ. خەۋەرلىشىش كارخانىلىرىنىڭ ئالاقە نومۇر تۈزۈلمىسى بەلكىم بىرلىككە كەلگەن eSIM نومۇر تۈزۈلمىسى تەرىپىدىن بۆلۈۋېتىلىشى ھەتتا ئاغدۇرۇلۇشى مۇمكىن.
3. خەۋەرلىشىش كارخانىلىرىنىڭ SIM كارتا ئاساسىدىكى قوشۇلما قىممەت كەسىپلىرى ئۈزۈل-كېسىل يوقىلىدۇ، بۇ SIM كارتا ئاساسىدىكى تېخى كەڭ كۆلەمدە ئومۇملاشتۇرۇشقا ئۈلگۈرمىگەن NFC چىقىم قىلىش قاتارلىق كەسىپلەرنىمۇ ئۆزئىچىگە ئالىدۇ، بۇلارنىڭ ھەممىسى بۆشۈكىدە تۇنجۇقتۇرۇلىدۇ؛
4. خەۋەرلىشىش كارخانىلىرىنىڭ ئەسلىدىكى SIM كارتىغا مۇناسىۋەتلىك بولغان، كارتا بېجىرىش، كارتىنى ئەمەلدىن قالدۇرۇش قاتارلىق كەسىپلەرنىڭ تەرتىپلىرىنى ئۆزئىچىگە ئالغان بارلىق كەسىپلىرىنىڭ تەرتىپلىرى ئومۇميۈزلۈك ئۆزگىرىپ، قاتتىق زەربىگە ئۇچرايدۇ.
5. خەۋەرلىشىش كارخانلىرى تېخىمۇ كەسكىن بولغان باھا رېقابىتىگە دۇچ كېلىدۇ. ئۇلار تېخىمۇ كۆپ مۇلازىمەت بىلەن تەمىنلىگەن ۋە چىقىم قىلغاندا ئاندىن ئىشلەتكۈچىلەرنىڭ خالىغان ۋاقىتتا باشقا رېقابەتچىلەرنىڭ تورىغا يۆتكىلىپ كېتىشىدىن ساقلىنالايدۇ.

ئۈچىنچى، eSIM نىڭ باشقا سانائات زەنجىرىگە ئېلىپ كەلگەن تەسىرى:

1. SIM كارتا كارخانىلىرىنىڭ سودا ئەندىسىزىدىنى تەلتۆكۈس ئۆزگەرتىدۇ. يىراقتىن قارىغاندا، ئەنئەنىۋى SIM نى ياسغۇچى، ئوراپ قاچىلىغۇچى كارخانىلار ۋە يۇقىرى-تۆۋەن ئېقىندىكى تېخىمۇ كۆپ كارخانىلار ئۈزلۈكسىز زەربىگە ئۇچرايدۇ.
2. eSIM ئۈسكۈنە زاۋۇتلىرى، مەۋھۇم مەھسۇلاتلار كارخانلىرى ھەتتا ئىنتېرنېت كارخانلىرىنى يېڭى پۇرسەت بىلەن تەمىنلەش بىلەن بىرگە، خەۋەرلىشىش كارخانىلىرىنىڭ تېنىدىن بىر پارچە لوق گۆشنى شۈلۈۋالىدۇ.

مەنبە:نۇرتورى 到百度首页到百度首页 تەتۈر تىزىش جەمىي1دانەئىنكاس

دېۋان ئۇزتۇرك ئۈلۈشكۈن 16:06 رەخمەت

مەنمۇ سۆزلەپ قوياي كىرىش | تىزىملىتىڭ نورمال نۇسخا | تەگمە نۇسخا | PC نۇسخا | ئالىقان ئەپ © Comsenz Inc.
دەرۋازا